大海我閣來矣

內容簡介

　　大海我閣來嘞

　　來遮濟擺，已經有人咧講

　　汝的心情像大海呃

　　我就越頭指向大海：

　　恁看，大海眠床邊彼欉麻黃仔

　　食真濟海風，鹹芳鹹芳，但是無營養

　　伊生做無青翠無勇壯，癉癉閣虛虛

　　我的心情就像彼欉麻黃仔

　　袂好額，袂偉大，毋過誠歡喜

　　歡喜，逐工會當看著大海喲

　　本書延續詩人王羅蜜多第一本台語詩集《鹽酸草》輯三之創作，以優美的台語文字傾訴對海的癡迷。

　　王羅蜜多走遍全台各地海岸，靈感猶如潮水般湧入，從作品中能感受到詩人對海的疼惜，藉由與海的對話，展現最真誠的自己。除了詩之外，書中還有不少詩人親自拍攝的海景，與詩文兩相呼應，誠摯邀請大家「做伙來愛大海」！

　　【特別收錄】

　　詩人‧評論家李瑞騰專文──〈王羅蜜多答編者十問〉

　　透過李瑞騰精準提問，從創作起源、理念及自我剖析等面向，帶領讀者進入詩人王羅蜜多的世界，一窺他內心海的模樣。

本書特色

　　★王羅蜜多以「海」為主題創作百首台語詩，延續對海的愛戀！

　　★全書收錄11幅王羅蜜多親自拍攝海景之照片，與詩文相互輝映！

　　★重量級詩人向陽、知名台語文學小說家胡長松專文推薦！

　　★特別收錄李瑞騰教授與王羅蜜多的問答十則，幫助讀者更深入認識本書！

名人推薦

　　台灣知名詩人──向陽

　　第38屆吳三連獎文學獎得主──胡長松

　　「這是一本寫予大海的情詩。王羅蜜多佇100篇連作的起頭句，攏用『大海我閣來矣』的類似句法切入，毋管是『大海我閣來呦』或者是『大海我閣來嘞』……，種種的變化，總是伊對大海想欲傳達的深深的意愛。」──詩人向陽

　　「王羅蜜多佇《大海我閣來矣》這本詩集有多面的抒情性，以大海做中心，一重盤過一重，讀起來相當豐沛閣有變化。對台語抒情詩的發展來看，這款多面性的開發，絕對是要緊的一跤步。」──小說家胡長松

作者介紹

作者簡介

王羅蜜多

　　本名王永成。淡江大學中文系畢業，南華大學宗教學碩士。曾獲台灣文學金典獎台語新詩創作獎、台文戰線現代詩與小說首獎、教育部閩客文學獎小說與散文首獎、台南文學獎華語新詩、台語小說與台語散文首獎、乾坤詩獎、金車網路詩獎、台中文學獎、玉山文學獎、桃城文學獎、菊島文學獎、夢花文學獎、桐花文學獎、雲林文化藝術獎等。詩作兩度選入年度台灣詩選。

　　已出版詩集〈問路用一首詩〉、〈颱風意識流〉、〈鹽酸草〉、〈王羅蜜多截句〉、〈日頭雨截句集〉等。

序

話頭

做伙來愛大海

王羅蜜多

　　去看大海，有時陣會想著論語雍也篇講的：「知者樂水，仁者樂山」。

　　窮實我深深愛大海，佮這組成語無底代，而是誠自然的發展。

　　年過花甲進前，我誠愛peh山，一方面是運動身體，減肥，另方面會當欣賞大自然的山石溪溝，樹木景緻，誠心爽。

　　無疑誤，peh過兩三冬，當歡喜減肥七公斤，身軀變較束結健抽的時，左爿的跤頭趺紲起疼。就按呢換騎越野鐵馬peh小山崙，走公路，四界去。過一冬爾爾，也是袂通。最後一招，就是行路。

　　講著行路，若是純然佇街路賴賴趖，感覺無蓋趣味，而且車輛濟，空氣無好。有一工，專工開車去安平海邊，佇沙埔頂留落一逝長躼躼的跤蹄號。海水一湧一湧捒過來，日頭公一襇一襇共抾起來，縫紩珍珠、鑽石、黃金，海風吹來，一堆祓鍊佇我的目睭內跳舞，唸歌詩。

　　一擺兩擺……漸漸予大海迷去矣，我深深愛著大海。

　　我愛著伊的貓霧光，伊的日出、中晝、黃昏，伊的好天，落雨，鹹霧水氣。我逐時用手機仔翕海面、天頂、沙埔，翕漂流木，紅色號旗，翕甲連沙塗頂的一跤雙拖仔，一支空矸仔也有趣味。

　　閣紲落去，我也愛著海沙埔，防風林的美麗樹木花草。一年四季，有變佮無變的植物，伊的硬掙、生湠，伊的媠氣，透濫海風的鹹芳，攏予我痴迷。譬如有一工透早，佇沙埔頂雄雄看著，一群海埔姜粉紫色的花蕊，笑微微，兼共我吐舌，予我歡喜的心情連續波浪幾若工，退袂去。

　　幾若年來，我將西海岸的愛，進一步湠向島嶼的四箍輾轉，彌陀溪口，北港溪口，基隆和平島，宜蘭頭城海邊，鵝鸞鼻海岸線，台東金崙，澎湖林投海沙灘……無仝的海岸，海面的笑容無仝，海湧也吼無仝聲。這款的行踏，已經參運動身體無關矣，這種行程，會一直繼續落去。

無偌久，我發現這種深情的愛，無盡的探訪，已經誠自然涶入文學創作內底。

　　我四常共大海寫入詩、散文、小說，寫做報導文學，用華語，用台語，也用各種語言透濫。其中，台語詩上濟。

　　自2016年5月27日佇面冊發表「茶話」開始，源源不絕，一波接一波，一湧紲一湧的「大海我閣來矣」系列，半年內累積三十外首台語詩，相續佇刊物發表了後，這波的書寫就停落來。2017年我出版頭一本台語詩集〈鹽酸草〉，就將伊囥入去。本底掠準我心肝內戀戀大海的波浪已經恬靜，書寫也告一段落矣，想袂到佇2018-2019年中間，猶原念念不忘，往大海行踏的跤跡閣湠到島嶼四箍輾轉，也拋過大海，去外島轉踅。這時陣，我佮大海的對話，一直演變中，我的跤浮浮，也四常飛入超自然的幻境。關聯著神，本真，宗教，心理學的內容陸續出現。終其尾攏總完成一百外首。遮的詩語，毋管散文式的，平行的字逝，總是順其自然，對心靈底蒂濆出來。大海我閣來矣，這陣才是正式告一段落。而且以我對大海的痴戀，單獨來出一本詩集來送予大海，變成擋袂牢的願望。

　　2020年正月，終於共作品編輯完成，準備出版。這本冊分做四部份，第一輯「大海我閣來矣」35首，佇人參大海自然的對話中間，透露出深情關愛，毋甘佮疼惜，也漸漸透濫心事表白，人生討論。第二輯，「大海我猶閣來矣」55首，佇深情溫馴的對話內底，閣加入愛情親情性命心性，文學哲學，以及對社會的批判剾洗，自我的反省等等，而且沓沓仔開始佮神對話。第三輯，「小海我閣來矣」10首，回轉去童年純真，借著海水的想像，牽挽無仝時空，情感的交插，致使佇身心靈流動當中，濆出回歸伊甸園的肖想向望。第四輯「海，我閣來矣」3首，用大小海思考的變換，延續神聖的氛圍。

　　按呢躼躼長的對話，親像海水一波一波滾袂煞，也敢若一種修行靜觀的過程。至於參「智者樂水」的講法是毋是有牽連，就隨人體會矣。總是，毋管咱按怎想，大海原在做伊滾絞，唱歌，一千年一萬年，攏無表示悲傷抑歡喜。

2020/1/17寫佇大目降畫室

看更多