作者ê話
我是素珍,2015年正月初10,我佇高師大ê網站看著台語師資班ê招生,阮tsiah知影原來阮講四十幾冬ê台語竟然有字,iáu-koh有羅馬字,tse攏ài感謝愛咱tsit塊土地ê巴克禮牧師,有伊ê愛,咱ê白話字tsiah會當佇台灣釘根。
《來 迌》tsit本繪本會當完成,ài感謝台灣羅馬字協會陳金花秘書長佇2016年3--月高雄左新圖書館辦「相招來聽囡仔古」tsit个故事角活動,彼个時陣是金花老師hōo我去遐鬥跤手,做雜差仔工tàu看東tàu看西、tàu錄影、tàu
hip相ê穡頭,tī圖書館一禮拜一點鐘ê講古內底,看老師揣華語繪本翻做台語,講古hōo咱ê囡仔聽,hōo我有一種想beh用咱ê白話字來寫台語繪本ê tshóng-pōng,《來 迌》tsit本繪本就án-ne寫--出-來。
佇遮我beh感謝幫贊我寫tsit本繪本ê兩位老師,in是我ê台語老師蔡宗禮老師佮我ê生物學老師謝光毓老師,當我拄著鹿角龜ê名佮田嬰ê囝ê名m知beh按怎講ê時,感謝有宗禮老師ê牽教,教我去台文華文線頂辭典揣,佮光毓老師教我蟲thuā ê智識,hōo我會當完成tsit本繪本。
台語文tsit塊瘦田就親像一坵 荒足久ê田園,ǹg望逐家會當用愛台灣ê tsit份情kā傳--落-去,鬥陣為台語文來拍拚、掖種、壅肥hōo台語文佇台灣釘根、生 、出頭天。
劉素珍
畫圖者ê話
我是基進黨台北黨部ê台語基礎班ê學生,台文hōo我ê創作有新ê見解,足感謝有tsit个機會會當畫圖,嘛足感謝劉老師ê用心!我tsit kái用囡仔ê角度來創作,希望逐家有kah意!
高詩涵